1 Եւ Եղիուսը պատասխանելով ասեց.
2 Սա դու իրաւո՞ւնք ես համարում, որ ասում ես. Իմ արդարութիւնն աւելի է Աստուածանից։
3 Որովհետեւ ա ասեցիր. Թէ Քեզ ի՞նչ օգուտ ունի, եւ ի՞նչ աւելի շահ կայ սորանից քան թէ մեղանչելուց.
4 Ես քեզ խօսք կ’պատասխանեմ, եւ բ քո ընկերներին քեզ հետ։
5 գ Նայիր երկնքին եւ տես, եւ դիտիր ամպերը որ քեզանից բարձր են.
6 Եթէ դու մեղանչես, դ նորա դէմ ի՞նչ արած կ’լինիս. Եւ քո անօրէնութիւնները որ շատանան, նորան ի՞նչ կ’անես։
7 Կամ ե եթէ արդար լինիս, ի՞նչ կ’տաս նորան. Կամ նա ի՞նչ կ’առնէ քո ձեռքիցը։
8 Քեզ նման մարդին կ’ներգործէ քո ամբարշտութիւնը, եւ մարդի զաւակին՝ քո արդարութիւնը։
9 զ Հարստահարութիւնների շատութիւնից կ’աղաղակեն, կ’բողոքեն մեծամեծների բազուկիցը։
10 Բայց մէկը չէ ասում. է Ո՞ւր է ինձ ստեղծող Աստուածը, ը նա որ գիշերը երգեր է տալիս.
11 Որ մեզ երկրի անասուններից աւելի թ գիտուն եւ երկնքի թռչուններից աւելի իմաստուն է անում։
12 Այնտեղ ժ աղաղակում են, բայց նա չէ պատասխանում՝ չարերի հպարտութեան պատճառով։
13 ի Յիրաւի Աստուած ունայնութեան չի լսիլ, եւ Ամենակարողը նորան մտիկ չի անիլ։
14 լ Թէպէտեւ դու ասում ես, թէ Նորան չես տեսնում. Սակայն դատաստան կայ նորա առաջին, խ յուսա Նորան։
15 Բայց հիմա որ ծ նորա բարկութիւնը մի չնչին բան է արել, եւ չէ իմացել շատ անօրէնութիւնը,
16 կ Յոբը դարձեալ զուր տեղն է բանում իր բերանը. Առանց հասկացողութեան խօսքեր է շատացնում։
Յոբ 35